Li ijastem di Natel

Vi la ricurdet la bbifen, a na cord appinnut
da nu pont a nnat di la stret, di rrobb viecchie vistut?
ca quann passamm di sott, nuije piccinn ca paur ni pigghijamm
nu chiancon pitun andruzzulun li minamm?

Vi lu ricurdet, almen, ca na marangia ni tucchev
quann arrivev la bbifen, stu riel ti pigghijev?
quann ti scev bbon ni buschev cchijù di ijun
ma si no ti minàven na ijastem a’ndruzzulun?

E cu l’ann ca passaven, quant ni ma pigghijet
e po ijè tucchet a nuije ca ma ijastumet
“li murt di li fiest, di lu natel e la bbifanije
ca tra chiacchiere e riel ‘ngi volen sold appusutije”

Non cè cchijù rrobb di marangie, amenel e anuscie
ijoscie t’a ffè un mutue pi cattè prisepie e luscie
scarp, scarpin, talefen cullen e bracciel
zazizz e provolon: li muert di lu natel!

Quann figghijama ‘Ndanodd ijer na pucciuledd
l’era ffè lu prisepie cu lla grott e li casiedd
figghijama e migghijerm, bell comet assittet a cumannè
e ije cu purcie, pecher e chiancun, an’terr a fatiè

“We tè, cu du rizzul, spostulu cchijù ddèije
Si no mu Sangiusepp sa va ‘mbriacheije”
“We Martì, ma cè a scimunit?
C’a puest lu ijattudd sobb’a ll’aver ijnt’a llu nit?”

We, mamm e figghije e ce tineven
ghianev lu sanghe anchep e li cangher mi vineven
bbammin, matonn, tutt li sant ijastumev
ma po’ lu ggiurn dopp, mi sci cunfussev

Cu lla cris di ijoscie, ca no ste ce tti mangie
ca sarè ca no ijè bon, pur na marangie
discie ca li puvuriedd ijon’a pigghijet natu bellu piern
e v******** a llu natel e li muert di lu guvern.